Brasskorps
I brasskorpset, eller brassbandet som det også vert kalla, kan ein spele messinginstrument, også kalla brassinstrument, og slagverk. Treblåsinstrumenta, som ein kan spele i eit janitsjarkorps er ikkje med i brasskorpset.
Fordelen med eit brasskorps er at det er lettare å få god balanse i korpset sjølv med ei lita besetning. Det vanlege talet musikantar i ei brasskorps er ca. 20 - 50 musikantar.
Instrumenta du kan spele i brasskorpset er:
Kornett/trompet
Flügelhorn
Horn
Baryton/euphonium
Trombone
Tuba
Perkusjon
Det første brasskorpset kan ein finne tilbake i 1830-åra på dei britiske øyane.
Messinginstrumenta som vert brukt i janitsjarkorpset og brasskorpet samsvarar mykje, men nokre ulikheiter kan ein sjå. I brasskorpset er det vanleg å bruke althorn og ikkje valthorn, flügelhornet er meir utbreidd og ein bruker ein del soprankornett.
Omlag 1/4 av korpsa i Noreg er brasskorps (1979).