Melodisk perkusjon

Melodisk perkusjon er instrument i slagverkgruppa som ein kan spele melodi, ikkje berre rytme på. Dei fleste av desse instrumenta er i dag kromatiske, med ei oppbygging som liknar pianoet.

Xylofon
Klokkespel
Lyre
Rørklokker

Xylofon:

Xylofon

Xylofonen har to rekker med trebarar som ein slår på for å få lyd. Oppbygginga er som pianoet, der den eine rekka barar tilsvarar dei kvite, den andre dei svarte tangentane.
Xylofonen vart populær i Europa på 1700-talet.

Klokkespel:

Klokkespel

Klokkespelet er bygd opp av to rekker med metallbarar. Desse er ordna som pianoet, der den eine rekka tilsvarar pianoet sine kvite tangentar, den andre rekka dei svarte tangentane.
Klokkespelet vart kjent i Europa på 1700-talet, men kom ikkje særleg i bruk før midt på 1800-talet.

Lyre:

Lyre

Lyra kan samanliknast med klokkespelet i oppbygning. Den har metallbarar som er oppbygd på same måten som klokkespelet. Lyra er derimot litt mindre og har ei anna form, noko som gjer at den lettare kan takast med ut, til dømes når korpset skal ut å marsjere.

Rørklokker:

Rørklokker

Rørklokker oppstod etter eit behov for instrument som kunne etterlikne kyrkjeklokker. Sidan midt på 1800-talet har ein difor hatt dette instrumentet som har hengande metallrør av ulik lengde, og dermed ulik tonehøgde.
Etter kvart fekk ein eit rør for kvar tone, og i dag er rørklokkene ordna som pianoet med to rekker som tilsvarar tonene på dei svarte og kvite tangentane.
Rørklokkene i dag er laga av stål, og ein bruker ei klubbe av tre, i nokre tilfelle kledd med lær, til å slå med.