Underteikna er levande interessert i kystkultur og oppteken av å ta vare på ein del av dei minna som enno er att - frå ei tid som var. Ei tid som vi som bur her har røtene våre i. 

Denne interessa har vore sterkt medverkande til at ei stor sjøbu med 8 gamle båtar i har blitt berga og er no mest like god som då ho var ny. Denne bua ligg berre 1 km frå skulen vår og har vore brukt til fleire småprosjekt av skulen. 
 
 Nær ved denne sjøbua stod to gamle gardskverner. Den eine var nedramla, medan den andre heldt å skulle gjere det. Bygdefolket fekk kverna som enno stod mot at dei skulle halde ho ved like. Kverna måtte også flyttast til grunnmuren til den nedramle kverna - ei strekning på 50 meter. Her var terrenget rundt kverna ikkje blitt særleg endra - berre forfalle. 

Det vart søkt om kulturmidlar og kr 20 000 vart løyvd. Ein lokal snikkar som har verkstaden sin ca 200 meter frå skulen tok på seg arbeidet å restaurere kverna for denne summen. Han skulle bygge ho opp att på verkstaden sin. 

Skulen var aktivt med i denne prosessen. Ja, vi kan seie at skulen var pådrivar. Vi hadde no greidd å berge kverna, men fleire problem stod att å løyse. Lærarane og elevane i storskulen fann at dette skulle vi greie. Dette ville vi lage eit prosjekt på. 
ï    ð