Mål.

Eit prosjekt tek gjerne utgangspunkt i eit problem.
Vi såg fleire problem som vi måtte løyse om vi skulle lukkast .

Kverna måtte takast ned og fraktast til verkstaden.
Muren ho skulle stå på måtte ryddast og reparerast.
Den restaurerte kverna måtte fraktast til den nye muren og setjast opp att.

Eit stort område rundt kverna måtte ryddast for tre og kratt slik at ho vart godt synleg frå vegen. (Mange turistar hadde tidlegare stansa og teke bilete av kverna).

Her såg vi straks at dette kunne lærarane og elevane gjere mykje med, men vi måtte ha hjelp til følgjande oppgåver.

Mure opp att deler av grunnmuren og tilpasse han til den nyrestaurerte kverna.

Setje opp att kverna på grunnmuren.

Snikkaren sa seg villig til å hjelpe oss og han stipulerte ein sum på kr 3600 for dette arbeidet.

Skulen søkte så til oppvekstsjefen om prosjektmidlar og fekk tildelt den omsøkte summen. No kunne vi berre gå i gang, men før vi starta ville vi ha klare tankar om kva måla for prosjektet eigentleg var.

Vi formulerte til slutt - etter ein god del prøving og feiling - følgjande mål:

Ta vare på eit kulturminne som var typisk for kystdistrikta - særleg for Nordvestlandet.
Skaffe oss kunnskap om den gamle gardskverna og livet rundt henne.
Gjere området attraktivt for bygdefolket.

ï ñ ð