Utanfor Pluto finst det eit “skal” av himmellekamar som går i banar rundt sola, kalla kometar. Dette skalet rundt vårt solsystem tenkjer ein seg kan strekkje seg halvvegs til den næraste stjerna. Ein trur at det kanskje er opp mot 100 milliardar kometar.

Oppkalla etter: Den/dei astronomane som oppdagar han, døme Halley og Hale-Bopp
 
Korleis ser ein kometane: Ein kan observere kometane først og fremst når dei kjem ut av sin bane og blir dregne i ein ny bane mot sola. Komet Hale-Bopp kunne alle sjå våren 1997 då han var lett å sjå med sin tydelege hale på nattehimmelen.

Oppdaging: E. Halley rekna ut at ein komet som var observert i 1682 ville kunna sjåast att i 1758, han fekk rett og fekk i tillegg kometen oppkalla etter seg. Andre kometar har ein oppdaga når dei dukka opp i teleskopa til ivrige astronomar.

Besøk/bilete: Tidleg i neste århundre planlegg ein at romsonden Rosetta skal lande på ein komet.

Plassering: Ligg i eit “skal” utanfor Pluto, men beveger seg av og til i banar innover mot sola.
 

Avstand frå sola:	Oftast i banar langt utanfor Pluto
Størrelse:	Varierer mykje, men eit døme er Hale-Bopp som var omkring 30 km i diameter.
Omløpstid:	Når kometane går i banar mot sola, kan dei ha omløpstid på mange tusen år, avhengig av banen. Andre kjem nær dei store planetane og kan då bli pressa inn i ein mykje kortare bane (f.eks Haleys komet).

 
Overflata
Kometane blir ofte kalla “skitne snøballar”, og medan dei er langt frå sola er dei stein- og metallpartiklar som er innefrosne i is. Når kometen kjem nærare sola, smeltar isen og ein får i staden ei gasskappe, kalla komaen. Det er når den ultrafiolette strålinga frå sola treff denn gasskappa (hovudet) at kometen lyser på himmelen. Solvinden (partikkelstråling frå sola) slengjer også gassar ut frå komaen og dannar den karakteristiske “halen” som ein ofte ser på kometane. Kometane kan forsvinne heilt når dei kjem nær nok sola.

Meir om kometar

Kometar (norsk)
Kometar (norsk artikkel om kometar)
Kometnytt frå Norsk Astronomisk institutt
 Comets, med bilete og animasjonar (engelsk)
 

 Til toppen av sida