SOLA
 
 
Sola, sentrum for vårt solsystem, er ein 5 milliardar år gamal, kjempestor ball av brennande gass. Denne stjerna er faktisk så stor at ho rommer 1,3 millionar av vår eigen planet, jorda, inni seg, samstundes som ho berre er rekna som ei gjennomsnittsstjerne. Den brennande overflata sender lys og varme ut mot alle planetane i solsystemet, utan denne varmen ville temepraturen på jorda vore omkring -270°C. Og samtidig har ho så sterk tyngdekraft at ho held alle planetane i sine faste banar.

Energien frå sola stammer frå enorme kjernefysiske reaksjonar, på samme måte som ein finn i dei frykta hydrogenbombene.

Det er vanskeleg å studere sola på grunn av det sterke lyset ho sender mot oss. Ved å sjå rett mot sola, kan ein få alvorlege skader i augene, fordi varmen som auget samlar inn mot netthinna, kan skade denne. Ein studerer ofte sola ved å fokusere eit bilete av sola mot ein kvit skjerm.

I dag kjenner ein til 9 planetar som går i bane rundt denne stjerna, og saman med månar, asteroider og kometar dannar det vi kallar for solsystemet.
 
Avstand frå næraste stjerne: omkring 4,2 lysår
Størrelse: 1,4 millionar km i diameter
Masse: 332830 gonger så stor masse som jorda. Inneheld 98% av all masse i heile solsystemet.
Rotasjonatid: ca. 27 dagar
 
Forholda på sola
Temperaturen på overflata av sola er omkring 5500°C, medan temperaturen i kjernen 15 millionar grader. Trykket i kjernen er 250 milliardar gonger så stort som trykket i jordatmosfæren.

Sola består av 92% hydrogen og nesten 8% helium.
Solformørking
Solformørking
Av og til kejm månen i ein posisjon der han står mellom jorda og sola slik at han lagar ein skugge på jorda. For dei som bur i dette området vil sola forsvinne i nokre minutt, dei opplever ei solformørking.

Anna
Sola har sterke magnetfelt rundt seg, og endringar i desse felta skaper enorme eksplosjonar som ein kallar "flares". Det er ingen fare for at vi vil oppleve at sola sloknar, truleg vil ho fortsetje å sende sine enorme mengdar lys og varme mot oss i endå 5 milliardar år.

Meir om sola

Sola (norsk)
Siste bileta av sola frå SOHO-teleskopet
The sun, med bilete og animasjonar (engelsk)

Toppen av sida