ASTROLOGI
Eit namn på kunsten å tyde framtida ut frå planetane
si stilling blant stjernene. I antikken var dette ein ansett vitenskap,
nå blir det i større grad sett på som overtru.
Tilbake til universet
ASTRONOMAR
Astronomar er forskarar som studerer alt dei kan finne i universet,
vha. auge kikkertar, måling av stråler, romteleskop, satellittar
ol. Det er desse forskarane som har gjeve oss opplysningane som gjer at
vi kan danne oss eit bilete av korleis solsystemet, galaksar og universet
ser ut, i den grad vi klarer dette.
Tilbake til universet
ATMOSFÆRE
Atmosfæren er det laget av gassar som finst rundt planetane.
Desse laga av gass er med og avgjer mykje korleis forholda på planeten
er, både når det gjeld temperatur, sjanser for liv og beskytting
mot farlege stråler frå sola.
Tilbake til universet
ELLIPTISK BANE
Ein bane som liknar mykje på ein sirkel, men han er "utdregen"
slik at han er avlang, også kalla ellipse-form.
Tilbake til universet
GALAKSE
Galaksane er sett saman av gass, støv og milliardar av stjerner
og planetar. Ein deler inn galaksane i tre ulike grupper: elliptiske, uregelmessige
og spiralforma, dei fleste har ellipse-form medan vår galakse, Melkevegen,
er spiralforma.
Tilbake til universet
GALILEI
Naturforskar som har fått æra for å ha funne opp
dei første kikkertane samt som astronom; oppdaga månar til
Jupiter, solflekkar og anna.
Tilbake til universet
HUBBLE
Stort teleskop som NASA har plassert i rommet for å forske på
fjerntliggjande himmellekamar. Denne er oppkalla etter den amerikanske
astronomen Hubble.
Tilbake til universet
KJERNEFYSISKE
REAKSJONAR
Dette er samme type reaksjonar som ein nyttar i atomvåpen. På
sola skjer dette når hydrogen blir omdanna til helium.
Tilbake
til universet
MÅNAR
I vårt solsystem er det om lag 60 kjente månar. Månane
kan samanliknast med satellittar som går i bane rundt planetane.
Tilbake til universet
MÅNEN
Månen er den himmellekamen som ligg nærast oss i verdsromet
og han går i bane rundt jorda, samtidig som han alltid vender den
samme sida mot oss. Månen er utan atmosfære og vatn, noko som
hindrar at det er liv på han. Vi ser månen fordi han speglar
(reflekterer) lyset frå sola.
Tilbake til universet
MELKEVEGEN
Vi høyrer til i Melkevegen, ein galakse med spiralforma armar
sett saman av stjerner som stråler ut frå eit kuleforma senter.
Melkevegen er 100 000 lysår i diameter og sola ligg om lag 30 000
lysår frå midten.
Tilbake til universet
PLANETAR
Store, kuleforma himmellekamar som går i bane rundt stjerner.
Dei er sett saman av stein, metall og gassar. Rundt seg kan dei ha månar,
ringar og ein atmosfære.
Dei 9 planetane i solsystemet er desse: Merkur, Venus, jorda(Tellus),
Mars, Jupiter, Saturn, Uranus, Neptun og Pluto.
Tilbake til universet
ROMFART
Dette er aktivitet der ein sender romfartøy, romferger og anna
som er bemanna opp i verdsromet.
Tilbake til universet
ROMSONDE
Eit ubemanna romfartøy, fylt av avanserte instrument. Desse
blir sende på årelange ekspedisjonar mot fjerntliggjande planetar,
månar og anna for å utforske desse.
Tilbake til universet
SATELLITT
Oftast nyttar ein dette uttrykket om ein ubemanna romfartøy
som går i bane rundt jorda for å fotografera, ta vèrmålingar,
syte for kommunikasjon (fjernsyn, mobiltelefonar ol.). Men ordet satellitt
blir også nytta som namn på ein måne som går i
bane rundt ein planet.
Tilbake til universet
STJERNE
Stjerner er himmellekamar som oftast er sett saman av svært varm
gass som på grunn av kjernefysiske reaksjonar stråler ut sjølvprodusert
energi, ofte i form av sterkt lys. Sola er eit typisk døme på
ei stjerne.
Tilbake til universet
UFO
Uidentifisert Flygande Objekt, eit namn på himmelfenomen som
ein ikkje har funne nokon forklaring på. Blir ofte knytta til trua
på besøk frå andre himmellekamar. Frå ein avisartikkel
i Texas i 1878 har ein ofte kalla desse for Flygande tallerknar. I dag
finst det både i Norge og andre land eigne organisasjonar som samlar
fakta om UFO-ar.
Tilbake til universet