Økonomien i elevbedrifta.

Føremålet med ei elevbedrift er ikkje at elevane skal tena mest mogeleg pengar i skuletida. Men pengane er både for barn  og vaksne ein motivasjonsfaktor som inspirerar til innsats i bedrifta dei er tilsette i. Framfor inntekta er det likevel i elevane sitt tilfelle viktigare  at dei dei får erfara kva ting faktisk kostar. Ein produserer ikkje eit produkt gratis. Inntekter må òg gå til å dekka bedrifta sine driftsutgifter. Elevane bør klargjera på førehand kva eit evt. overskott skal brukast til (t.d. lønn til elevane, nye investeringar på skulen, nye elevbedrifter, klassetur eller veldedige formål). Økonomien til elevbedrifta skal vera styrt av elevane, og skal ikkje blandast med skulen sin økonomi. Elevane skal ikkje risikera å lida noko økonomisk tap gjennom ei elevbedrift med mindre det har foregått underslag. Økonomisjefen fører rekneskapen, og på fleire skular har ein nytta rektor som revisor.

Elevbedrifta må utarbeida og framlegga eit budsjett. Alle inntekter og utgifter må bokførast og det må leggjast fram ein fullstendig rekneskap. Nivået og alderen på elevane legg retningsliner for kor realistisk budsjettet skal vera. Det skal og må vera enkelt for lærar eller ein annan rådgjevar til bedriften å orientera seg om den økonomiske situasjonen.

Råvarene til produksjonen må det kalkulerast innkjøpspris på, samt leige og kjøp av produksjonsutstyr må vera med før ein kan fastsetja ein pris på vara/tenesta. Til budsjettarbeidet vil det vera naturleg å nytta timar og kunnskapar frå matematikken. Dette faget kan gje hjelp til ei vidare forståing av korleis budsjettarbeid, økonomi, regnskap, kalkyler og statistikk fungerer. Det sentrale i prosessen med ei elevbedrift er at elevane skal skaffa seg innsikt i dei ulike elementa ein må ta omsyn til for å setja i gang ei ny verksemd. I læreplanen er statistikk og berekning av risiko svært viktig, særleg i ungdomsskulen.