Praktisk tilnærming til framtidige yrke.

Satsinga på elevbedrift må gje ei meir praktisk tilnærming til yrkeslivet, dersom arbeidsmetoden skal kunne overleva som eit pedagogisk verkemiddel i skulen. Ei slik vurdering bør kunne halda mål overfor både elevane og næringslivet. Dei eigenskapane denne modellen har til å knyta til seg gode læringssituasjonar og eksterne møteplassar med næringslivet ute i yrkeslivet, er avgjerande for bruken av metoden i åra som kjem.

Korleis dette vil utvikla seg er avhengig av fleire tilhøve:

	Interesse mellom elevane for å velja elevbedrift som prosjektmodell.
	Lærarinnsats for å utnytta effektane i modellen
	Ressurstildeling frå skuleadministrasjonen.
	Haldningar i næringslivet til elevbedrift.
	Utbygging av hjelpeaparat i fylka for å kursa og inspirera skuleverket i kommunane.
	Oppfølging frå statleg hald i forlenginga av L-97.

Utviklinga vidare.

Fleire organisasjonar og stiftingar er etablert for å utvikla elevbedrifts- konseptet. "Foreningen ungdomsbedrifter" har satsa særleg på vidare- gåande skule, og har underavdelingar i fleire fylke. Distriktsaktiv skole ved Høgskulen i Stavanger har arbeidd mykje opp mot heile Vestlandet og har lagt mykje av grunnlaget for at elevbedrift som metode har fått ein så stor plass i L-97. DISK  i Rosendal er eit døme på ei lokal stifting som gjennom satsing på elevbedrift frå tidleg på 90-talet, har skaffa seg solid kompetanse. Ved hjelp av fylkesmidlar og eit regionalt nettverk, satsar dei på utvikling av entreprenørskap i alle gunn og vidaregåande skular i Hordaland. I møte med den vidaregåande skulen kjem òg spørsmål som kan linke elevbedrift opp til yrkespraksis og lærlingeordning.

Det regionale nettverket omfatter fleire delstillingar, og ein av desse er knytt til indre Hardanger og Voss. Nærare opplysningar om prosjektet i denne regionen er å få gjennom regionalleiaren.

E-post til regionleiaren - sjå heimesida.