Idrettskulen på Finnøy

Idrettsskulen på Finnøy vart starta hausten -93 av initiativtakar Kirsten Elin Bergsvik, og er eit tilbod til barn i 1.-4. Klasse på Finnøy. Den har sitt opphav i NIF (Norges Idrettsforbund) sitt tingvedtak frå 1987. Dette vedtaket legg i grove trekk vekt på at barna bør ha eit idrettstilbod som bygg på leik, allsidig aktivitet, innføring i forskjellige idrettar og begynnande spesialisering i enkelte av dei.

Vedtaket seier også at idrettslag som tilbyr fleire idrettar skal organisere idrettsopplæringa for barn i 1. - 3.klasse i ein barneidrettsgruppe. Og på Finnøy vert nettopp dette gjort i samarbeid med Finnøy IL og Finnøy kommune.

Per i dag er det ein stad mellom 80 og 90 barn som nyttar seg av dette tilbodet. Idrettsskulen har treningstider tre timar på tysdagane og ein time på onsdagane. Reint organisatorisk er barna delt inn i fire grupper, med ein eller fleire lærarar. Det vert ikkje skilt mellom kjønna, men det er kva klasse dei går i som avgjer kva gruppe dei hamnar i. Dette vert gjort for at dei skal få gå i lag med barn som dei kjenner godt.

Gjennom skuleåret får barna delta i; ballspel, turn, symjing, rytme/dans, ski, friidrett og orientering. Idrettsskulen legg vekt på å ha dyktige instruktørar, og dei må vere kjende med korleis barneidrett skal drivast.

Etter oppstartinga av idrettsskulen så får ein ulike erfaringar som gir grunnlag for forbetring. Det har blant anna vist seg at det er ein stor jobb å ha ansvaret for dette tilbodet. Denne jobben er det i dag eldsjeler innanfor Finnøy Idrettslag som står bak, og det er mange som føler takksemd for den jobben desse personane gjer.