Dressur og komunikasjon






EI LITA INNFØRING I DRESSUR OG KOMMUNIKASJON FOR DEG SOM HAR HUND ELLER LURER PÅ Å SKAFFE DEG EIN

HER FÅR DU KANSKJE SVAR PÅ NOKRE AV SPØRSMÅLA DINE, SAMT AT DU FAR EIN LITEN PEIKEPINN PÅ KVA DETTE GÅR UT PÅ, KVA SOM ER MEININGA MED DRESSUR, ULIKE BRUKSMÅTAR OG DIVERSE... FØRST OG FREMST BØR DU VITE DETTE:

DET ER DU SOM SKAL LÆRE, OG TA TIL DEG DET DU FÅR LÆRE HER, FOR DERETTER Å PRAKTISERE DETTE MED HUNDEN DIN. DIFOR ER DET IKKJE NØDVENDIGVIS HUNDEN DIN DET ER NOKO GALE MED NAR DEN IKKJE VIL HØYRE PÅ DEG, MEN DET ER DU SOM ENTEN ER FOR LITE INTERESSANT ELLER AT DU RETT OG SLETT MISFORSTÅR HUNDEN DIN!

ELLER KORLEIS DU KAN FA KONTAKT MED HUNDEN DIN, DET ER DU SOM SKAL LÆRE DEG SJØLV A GJENNOMFØRE DEI!!! SER DU LIKSKAP MED DEG SJØLV OG EKSEMPELET HER???

Drøymer du om ein hund som går som ein engel i band? Aldri dreg, og aldri forlet plassen sin ved sida av deg? Ein hund som set seg ned der du stoppar, kanskje for å prate med kjende. Hunden din som aldri gøyr på andre hundar eller dyr, eller andre menneske. Hunden din som varslar mogleg fare, og er med deg over alt? Er dette drøymehunden? Er du "plaga" med ei bikkje som gøyr på alt og alle, er umogleg å gå i band med, og aldri kan vere med nokon stad, grunna alt bråket som fyl med? Har du prøvt å dressere den etter beste evne, men aldri fått noko anna enn dårleg resultat??? Forstår du hunden din? Ofte er det nemleg ikkje berre hunden din sin feil, han forstår kanskje deg, men du forstår ikkje han! Umogleg? Nei, vi kan love deg at i dei fleste tilfelle er det du som tek feil. Hunden er slik, fordi det er du som har skapt han slik, dessverre... Nokre menneske har alltid slike lydige hundar. Dei har ein hund som dei kan ta med dei fleste stadar utan problem. Dei har kanskje fleire hundar som til saman gjer mindre av seg enn din eine. Dette kan faktisk vere stort sett uavhengig av rase. Men då skal du vite ein ting, bak dette vidunderverket av ein hund, ligg det mykje arbeid. Hunden og eigaren byrja nok i si tid på akkurat same steget som du no står på. Og med same tankane. Dei var sikkert skeptiske til både hunden og seg sjølve. Men dei gav ikkje opp! Og det må ikkje du gjere heller! Vær positiv, og gle hunden! Hunden har det heller ikkje godt, om du har ein dårleg dag. Til saman blir det eit dårleg parti...

Så eit par punkt som er viktig å praktisere anten du er heime eller er ute blant andre.


1. Sett deg i respekt,
2. Hunden er eit flokkdyr.
3. Du blir leiaren av flokken.
4. Flokken er familien.
5. Er det berre deg og hunden, er de likevel ein flokk.
6. Du er i alle høve leiaren i flokken.
7. Du er leiaren og ikkje minst sjefen til hunden din.

I kvelpekullet var hunden van med at tispa var leiaren. Ho var venleg men autoritær, ansvarsbevisst og kjærleg, men bestemt. Dei Små vart vanlegvis satt ganske kontant på plass om dei ikkje lystra. Men kvelpane elska likevel mora si. Når ein ny kvelp kjem i huset ditt, overtek du mora si rolle. Du må vere rask til å fortsette der ho slapp. Ver ikkje redd for å vere for streng, sjølvsagt må kvelpen få gjere seg kjend med den nye heimen sin, men sett grenser frå fyrste dag. Vis at det er du som er sjefen!

2.Rett og nok dressur.

Det er betre å trene ofte og lite, enn sjeldan og lenge. Tren til dømes litt dressur kvar dag. Gå gradvis framover. Det er veldig viktig at øvelsen sit før du byrjar på ein ny øvelse, om ikkje er det veldig lett for hunden å bli forvirra. Det er viktig at hunden din får vere saman med andre hundar på sin eigen alder og eigen storleik. La dei få snuse og leike seg litt. Men du bestemmer når det er nok. Kvelpen blir fort sliten. !


3.Nye øvingar lærast inn når hunden er mest motivert.

Ein hund som først har stått i band eller i hundegarden å kjeda seg nokre timar, er atskilleg meir takksam for å bli jobba med enn ein som kjem sliten heim frå tur.


4.Tidleg stimuli i nærmiljøet.

Mange hundeeigarar har voldsomme ambisjonar, på den nye hunden sine vegne. Kanskje har du eit ynskje om at den skal gjere det bra allereie som unghund. Pass deg for dette. Om hunden går med eit voldsomt press på seg heile tida, vil dette med tid og stunder truleg skade hunden, og hunden blir kanskje "ubrukeleg" for resten av livet.


5.Vær konsekvent.

Det er ikkje berre når du dresserer hunden at den skal lystre. Du må også vere konsekvent i den daglege omgangen din med den. Har du først gitt ei ordre, må du passe på at den blir utført. Dagleg kan du til dømes la hunden sitte før den går ut av bilen, før den går ut døra, sitte framfor maten m.m. Legg stadig inn nye situasjonar.


6.Krev ikkje anna enn det hunden forstår.

Før du gir ei ordre må du vere sikker på at hunden din forstår kva du meiner. Om den då ikkje lystrar, er det på sin plass med straff. Hugs kva mora har gjort med kvelpen før du fekk han. Hos enkelte hundar kan ei sint misfornøgd stemme vere straff nok. Etter kvart som hunden veks til, vil den mest truleg byrje å måle krefter med eigaren sin. Då gjeld det å vere vaken, slik at ordren blir gjennomført - og leiarskapet ditt består!


7.Hunden din har krav på kjærleik, respekt og ros.

Hunden skal vere kameraten din. Den er eit levande individ du b0r jobbe seriøst med for å få fram dei beste sidene hans. Dette inneber og at den har respekt for deg. Du skal gi den kjærleik, klapp og kos. Alle levande individ treng i større og mindre grad å føle at nokon bryr seg om dei. Også at dei blir respekterte. Dette styrkar sjølvkjensla og byggjer opp sjølvtillit. Ein hund som føler at den har eigaren sin kjærleik og respekt, returnerer ofte dette. På den måten kan hunden ofte yte det vesle ekstra som av og til skal til.


8.Hunden din skal ha nok mosjon/tur.

Kor mykje mosjon ein hund treng er til dels avhengig av rasen. Jakthundane, og ein del av dei større hundane, treng meir tur enn mange andre. Men felles for alle hundar er eit visst behov for å røre på seg. Du må difor finne ut kva din hund treng, og er nøgd med, 1 gi den dette. Ein hund som f5r for lite mosjon kan bli stressa og bråkete. Den blir ofte rastlaus og vanskeleg og omgåast med sovel som å dressere.


9.Rett stell og førebuingar før og under konkurranse.

Har du ambisjonar for hunden din med omsyn til utstilling eller konkurranseprøver, bør du setje deg godt inn i kva som blir krævt av rasen din i forhold til kor gamal hunden din er. Så bør du planleggje førebuingane nøye. Først då kan du rekne med best mogleg resultat for hunden din.


10.Miss aldri kontrollen over deg sjølv.

Det er veldig viktig at du alltid har kontroll over deg sj0lv i forhold til hunden din. Merker du at sinnet kjem, til dømes fordi hunden er sta, så kutt ut for denne gong. Gå heller ein tur med hunden i staden for å dressere den. Ved å misse kontrollen over deg sjølv kan du, i verste fall, sette hunden din tilbake nokre månader, eller at den rett og slett misser tiltrua til deg.


DIFOR: var beherska under omgang med hunden din, vere seg under dressur eller i det daglege. Hunden skal ha naturleg respekt for deg, ikkje krabbe rundt på buken! Dressur handlar om å lære kvalpen tydinga av kommunikasjonssignala dine. SA lenge du er ein trygg og rettvis sjef, vil den gjerne gjere det du ynskjer av den, om den berre forstår korleis.


· Dressuren må innlærast i hyggjelege og behagelege former. Er trenaren glad og i godt humør påverkar dette hunden positivt. Stemninga smittar. Men framfor alt påvirker trenaren hunden gjennom eit høgt rørsletempo. Marsjtakta blir rask og vendingane kjappe, og hunden set meir pris på å bli rost. Dressuren blir fylt med glede. For hunden blir det ei morosam tid med fart og allsidig rørsle. Hunden kjem ikkje til å keie seg, den vil stortrivast!


· Heile dressurtida bør ein innstille seg på å arbeide i korte periodar, særleg i byrjinga. Dei første gongane er det nok med 30-40 sekund. Hunden må ikkje hugse dressurtimen som noko som det var godt å sleppe vekk frå. Dressuren må bli hugsa som morosamt, men travelt saman med "mor eller far".



· I den tradisjonelle dressuren blir orda ein lærer hunden til å forstå og adlyde, kommandoord. Dette høyrer kanskje litt strengt ut. Men om du tenkjer på å gå dressurkonkurransar, får du berre lov å bruke ein kommando, på ein øvelse. Og det er greitt for hunden å ha eit ord å forhalde seg til, i staden for ti ord. Eit veldig godt eksempel på dette er bruken av ordet DEKK. Her er mange rare variantar, LEGG SEG, LIGG, NED og handflata i golvet.


Det var det eg kunne bidra med i denne samanhengen, og eg håpar du kan drage nytte av noko. Til utarbeiding av teksta har eg hatt hjelp frå hundeklubben i Ørsta.

Eg kan godt tenke meg litt respons,
ideer og innslag til sidene.
Send nokre ord til meg knutseng@online.no

[Hovedsida] [Tilbake til Zico] [Heimesida mi] [Vev og toveoppgåve] [Noko for teknetimen] [Bilde av heimbygda mi

Desse sidene er laga av Gunnar Knutsen