| Innhald
|
For
den som er glad i friluftsliv, er Møre og Romsdal eit fylke med
mange mulegheiter. Både for den som likar seg på sjøen,
og for den som likar å gå i fjellet, sommar som vinter, ligg
alt vel til rette. Frå ytste holmar til inste bygder og fjell finst
det høve til å dyrke ulike friluftsinteresser.
Ved kysten
Ute langs kysten kan ein dykke etter interessante
prospekt, t.d. gamle båtvrak, eller ein kan drive med undervassfotografering.
Ein tidvis røff kyst gir også gode høve for brettsegling,
både for nybegynnarar, (når veret tillet dette) og for vidarekomne
som ofte finn gode treningsmulegheiter i opprørt sjø.
Mange vakre sandstrender langs fylket innbyr
også til eit yrande badeliv om sommaren, og dette tilbodet er det
mange som gjer seg nytte av sidan det i dei fleste tilfelle sjølvsagt
er gratis.
Det mest nytta friluftstilbodet langs holmar
og skjer er vel fritidsfiske. Anten ein vel å stå på
eit berg, eller ein ønskjer å fiske frå båt, har
ein høve til dette i alle kystkommunane i Møre og Romsdal.
Mest alle kommunar med respekt for seg sjølv har ei eller anna form
for utleige av utstyr for slikt fiske.
På Håholmen
på Nordmøre har eventyraren og havseglaren Ragnar Thorseth
og kona hans renovert eit gamalt fiskevær med omlag 20 gamle bygningar
frå 17- og 1800-talet. Øya, som er på omlag 50
mål, har ei verhard ytterside mot storhavet, medan innersida gir
ly for ei naturleg hamn, og her ligg dei maleriske bygningane som er sett
i stand for utleige
. |
Nokre linkar som
kan vere interessante for den som likar seg i naturen generelt, og i Møre
og Romsdal spesielt.
Sunnmørsalpane
Fagre
fjell i Ørstaregionen
Tafjordområdet
Innerdalen
på Nordmøre
Trollheimen
ÅST
DNT |
