Friluftsliv
Forts.
 
 
Fjellet 
Fjellet i Møre og Romsdal gir unike mulegheiter for alle som likar friluftsliv, anten det er vanlege "søndagsturistar", meir innbarka fotturistar eller det er folk som søkjer det ekstreme i fjellklatring eller brevandring/breklatring. Fylket har det meste å tilby både vinter og sommar. 
Vinterstid finst det fleire populære utfartsstadar med skiheiser og skitrekk som er snøsikre det meste av sesongen. Dei mest kjende er vel kanskje Stranda og Skaret ved Molde. I tillegg finst det trekk og heiser blant anna på Krøvelseidet i Volda, Bondalseidet i Ørsta, Fjellsetra i Sykkylven, Ørskogfjellet i Ørskog kommune, Overøye i Stordal kommune. Ved alle desse stadane er det i tillegg til "tradisjonelle" trekkaktivitetar som alpinkøyring, telemarkkøyring og brettkøyring også høve til langturar i oppkøyrde løyper for dei som likar å "gå"  i staden for å "renne".

Som det fjellfylket Møre og Romsdal er, er det sjølvsagt også lagt vel til rette for fotturisme i høgda. ÅST, eller Ålesund og Sunnmøre Turisforening har sørga for at svært mange før så utilgjengelege fjellområde er åpna for den vanlege fotturisten. Dette er gjort ved å bygge hytter og varde stiar i fjellheimen, slik at alle trygt kan gi seg i kast med høgfjellet, iallfall dersom ein følgjer fjellvettreglane og ikkje overvurderer seg sjølv. 
ÅST disponerer i alt 13 større eller mindre hytter. Av desse er 3 i Sunnmørsalpane og 10 i Tafjordfjella. Foreninga hadde i 1997 omlag 10000 overnattingar på hyttene sine. Foreninga har også utarbeidd  framlegg til turar som kan vere ei utfordring for den som gjerne vil bruke kroppen sin til anna enn "vanleg trim". Desse turane er graderte, dvs. det er gitt vanskegrad på dei, slik at alle kan tilpasse turane etter si eiga form. Turane går for det meste etter varda stiar med god skilting ved alle kryss, slik at det er svært små sjansar for å rote seg bort, eller kome inn i vanskeleg terreng.
Dei fleste av hyttene er sjølvbetjente, dvs. der finst mat for sjølvhushald på hyttene. Nokre få av dei større er betjente i høgsesongen, og då kan ein få kjøpt varm mat der.

Til slutt ein liten kuriositet. I kommunen til forfattaren, Sula, som ikkje kan kallast noka utprega fjellkommune, finst det tre hytter som er "betjente" kvar raud dag på kalenderen. Desse tre hyttene, Vonhytta, Rollonhytta og Taustua serverer søn-og helgedagar varm og kald drikke samt kjeks og sjokolade til turgåarar heile året rundt.
 
 
Tilbake