Klima  
Verlaget i fylket er påverka av havet i nordvest og av høge fjell som skjermar mot aust og sør. Ved kysten bles det oftast frå ei retning mellom søraust og sørvest om vinteren. Om sommaren bles det oftast frå nordaust ved kysten, særleg typisk i varmeperiodar med solgangsvind. Vandrande lågtrykk gir kuling, iblant storm, oftast frå ei retning mellom sørvest og nordvest 
Ved kysten er februar normalt den kjølegaste månaden i året, med middelverdiar rundt 2 grader. I fjordstroka er temperaturen noko lågare, og i dei indre dalstroka er middeltemperaturen nede i minus 5 grader i januar som er kaldaste månaden. August er vanlegast varmaste månad med ein middel på omlag 13 grader. 
Typisk for fylket er fønvind med høge temperaturar når søraustlege vindar slår ned frå fjellet, det har vore registrert oppi 19 grader i februar under slike tilhøve.         
 

Forts.