|
Fylket hadde i 1993 22 % av fiskarane i landet,
21,3 % av fangstvolumet og 28,3 % av verdien av den samla fangsten som
vart brakt i land. Viktigaste fiskeslaga etter verdi er torsk, sei og makrell.
Fiskarane i fylket har vore pionerar når det gjeld å starte
fiske i nye farvatn (t.d. ishavsekspedisjonar) og når det gjeld nye
fiskeformer (t.d. fabrikktrålarar).
Det vert i dag fiska langs Norskekysten,
i Nordsjøen og i fjernare farvatn. Av den totale fiskefangsten til
ein førstehandsverdi på i alt 1,73 mrd. kr. (1993) vart mest
ført i land til Ålesund, Herøy, Averøy og Haram
.
Industri
Gruvedrift på jernmalm vart drive i
Rødsand gruver ved Tingvollfjorden i Nesset kommune fram til 1982.
Det er ei rekkje kalk- og marmorbrot, særleg i indre og ytre Nordmøre
og Romsdal. I Vanylven på Sunnmøre vert det brote olivin.
Fylket hadde i 1994 935 industribedrifter
med 20818 sysselsette. Møre og Romsdal var nr. 4 av fylka i landet
etter sysselsetting i industrien. Av viktige næringsgreiner kan nemnast
næringsmiddelindustrien (19 %) med hovudtyngd på Sunnmøre,
Kristiansund, Averøy og Fræna, produksjon av tekstilar, klede,
lær og lærvarer (8 %) med hovudtyngd på Sunnmøre
og i Rauma, trevareindustri (medrekna møbelindustrien) (19 %) og
verkstadindustrien (39 %) der skipsverfta i ein del av kystkommunene aleine
utgjer 21 % av industrisysselsettinga.
Energi
Elektrisitetsforsyninga til omlag 130300
abonnentar i fylket vert formidla gjennom distribusjonsnett som vert eigd
av til saman 20 distribusjonsverk, dei største er Istad Kraft (23330
kundar), Nordmøre Energiverk AS (22700 kundar) og Ålesund
og Sula Elverk (22400 kundar). Dei øvrige 17 verka formidlar til
saman kraft til omlag 61900 kundar.
Årleg vert det produsert omlag 5300
GWh i fylket, dette utgjer 4,7 % av den totale produksjonen i landet. Størstedelen
av denne produksjonen går føre seg i nedanforståande
vassdrag:
|
|
