Olympiske leikar - for gudane

 
 
 

 
  Til start

OL i oldtida

OL - for gudane

OL - for fred

OL - for menn

Grekarane trudde på mange gudar. Både byar, elvar, skogar og fjell hadde sine eigne gudar, men det fanst også gudar for kjærleik, jakt, krig, og ei rekke andre formål. 
Det var viktig å be til gudane og gje dei gåver for at dei skulle hjelpe menneska. 
I alle byar bygde grekarane tempel med statuer av gudane, og fleire gongar i året heldt dei store festar for dei. 
Grekarane trudde at dei gudane som hadde størst makt, budde på eit fjell som heiter Olympos, men dei ofra og bad til dei på fleire heilage stader rundt om i Hellas. 
Den viktigaste av dei olympiske gudane var Zevs, som herska over alle gudar og menneske og var herren over himmelen og tora. Solguden heitte Apollon. Poseidon var havguden, Afrodite var kjærleiksgudinna, medan Demeter var gudinne for gode avlingar. 
 
 
 

 
          Send E-post