Kort om Språkrådet
Skriftnormene
Språkrådet gjer vedtak i spørsmål som gjeld
læreboknormalen og rettskrivinga elles for
bokmål og nynorsk. Vedtak om endringar må
godkjennast av Kulturdepartementet. Språkrådet
gir ut allmenne ordbøker, registrerer nye ord og
samarbeider med fagmiljø om ordbøker for
bestemte fagområde. Språkrådet har mellom anna
samarbeidd om Bokmålsordboka og
Nynorskordboka.
Råd og rettleiing
Språkrådet gir råd og rettleiing til
offentlege og private institusjonar, bedrifter og
organisasjonar. Språkrådet legg vekt på
kontakt med skuleverket, massemedium, næringsliv
og statsinstitusjonar. Også enkeltpersonar kan
vende seg til Språkrådet.
Publikasjonar
Språkrådet gir ut bladet Språknytt med tanke
på ålmenta, Språkkureren med sikte på
massemedium og Statsspråk til hjelp for
statsinstitusjonane. Språkrådet gir også ut
ein skriftserie, har eigne sider på Tekst-TV i
NRK og spreier informasjon på Internett.
Kampanjar
Språkrådet arbeider for språkleg toleranse,
spreier kunnskap om enkeltmennesket sine
språklege rettar, og freistar fremje medvit om
godt språk. Med støtte frå Kulturdepartementet
og Statens informasjonsteneste har Språkrådet
sidan 1990 drive ein kampanje for å motverke
unødvendig bruk av engelsk i norsk. Aksjonen
spreier informasjon til skuleverket,
næringslivet, massemedium og ålmenta.
Språkrådet deler ut diplom for godt namnevett
fire gonger i året. Diploma går til føretak
som har valt gode norske namn. Kvart år deler
Språkrådet ut Norsk språkpris for framifrå
bruk av norsk i sakprosa. Prisen vart skipa i
1991.
|
