TEKNIKK:
- TEKNIKKAR
Stakken, kèpen og skjorta vert sydd med fleire ulike teknikkar: holsaum, plattsaum, piperynking, folding, knutar og eit slags renningsmønster eller ein slags vev.
Holsaumen
er ein uttrekksaum, der ein dreg ut trådar i stoffet for å
kunne sy rundtrenningstrådane. Tråden vert surra tett rundt.
Broderiet på stakken og skulderklaffane
på skjorta har plattsaum. Då fyller ein ut eit oppteikna mønster
frå kant til kant. Ein kan også sy mønster på
frihand. Broderiet skal også ha nokre knutar eller perler. Dette
er valfritt. Elles skal broderiet ha eit slags renningsmønster,
som ser ut som eit "spindelvev".
Folding er å legge stoffet
delvis lagvis over kvarandre, medan piperynking er små sydde rynker.
Ein tråd gjennom det piperynka partiet held forma på plass.
Mønsteret på både
skjorta og stakken vert trykt ved hjelp av silketrykk. Denne metoden har
vore brukt dei siste 20 åra, grunna vanleg kritstrek går
veldig lett vekk i broderingsprosessen.
Ved silketykk må mønsteret
overførast på ein positiv film. Dette skjer ved at omrisset
til mønsteret vert kopiert over til filmen. Omrisset må vere
farga. Denne filmen må leggjast på ein silkeduk, som då
skal belysast fotografisk. Lyset vil trekkje seg gjennom mønstra
og herde på duken. Etter på skal ein vaske vekk det som vert
svart.
No er silkeduken klar for å
spennast fast på ei treramme.
Så legg ein ramma ned på
stoffet, tømer litt farge nedi og dreg dette utover med ein rakel.
Då er det berre å ta vekk ramma å vente til fagen er
tørr.
Alle desse teknikkane kan brukast i skulen i mange ulike formingssamanhengar.