Slik lagar ein gjærdeig med fersk gjær: 

1. Smuldre gjæren i en bolle.
2. Tilsett deigvesken (evt. smelta feitt + veska)som skal vere fingervarm, 37,5 *C.
3. Rør så gjæren løyser seg opp.
4. Mål mjølet ved å helle det luftig frå posen og direkte opp i litermålet. Bland sukker og krydder i litt av mjølet. Tøm det meste av mjølet i arbeidsbollen, men hald att 2-3 dl. Dersom det skal vere både grovt og fint mjøl i ei deig, tilset ein alt det grove, medan ein held att av det fine mjølet. Når ein tilsett det meste av mjølet på ein gong, trengst det mindre mjølmengd for å binde veska, og deigen blir lettare å røre saman. Tilsett så mykje av det resterande mjølet at deigen blir fast. Ei grov deig skal vere fastare enn ei fin.
5. Elt deigen til den er blank og seig. Ei godt knadd deig hevar best. Det ferdige brødet får ein fin konsistens og jamn poring og held seg godt.
6.  Set deigen til heving. La den heve 40- 60 min. på ein trekkfri stad på kjøkkenet, gjerne under plast. Brød som har fått heve skikkeleg, får ein kraftig smak takka vere alle aromastoffa som vert danna under gjæringa.
7. Arbeid med deigen nokre lette tak i bollen. Legg den så på ei lett mjøla plate. Kna deigen smidig. Deigen er no ferdig til utbaking.
8. Det ferdig utbaka bakverket skal etterhev på plate/ i form på ein lun og trekkfri stad. Dekk med eit handkle. Baksten kan og heve i eit varmeskap, men då utan handkle.

Hevinga tek omlag: 
10- 20 min i varmeskap, 
20- 50 min i eit varmt kjøkken. 
9. Steik ved den temperatur og i omlag  den tida som står i oppskrifta. Bakverk som er ordentleg heva, krev kortare steiketid en bakverk som er dårleg heva.
10. Bakverket er ferdigsteikt når det har fått ein fin farge og kjennest lett. Brød kontrollerer ein best ved å løfte dei opp og kjenne på vekta. Bankar ein på botnen av brødet, skal det lyde hult. Ein kan og kontrollere om det er ferdig ved hjelp av eit termometer. Når temperaturen er 92- 96 *C er brødet ferdig.

Avkjøl gjærbakst på rist.