I gjærdeiger brukar ein alltid: 
Gjær er levande organismar. Når  dei formerer seg i ei deig, dannar dei karbondioksid. Denne gassen bles opp deigen. Bakverket hevar seg og blir porøst og godt. 
Deigveske. Som deigveske kan ein bruke vatn, alle sortar mjølk, myse, mineralvatn, øl, eller vørterøl. Deigveska har betydning for smaken på brødet og for konsistensen på brødet. 
Mjøl. Brødet sin smak og type varierer med mjøltypen. Vil ein ha eit porøst brød, må minst 1/3 av mengda vere kveitemjøl. 
Dessutan tilsett ein og ofte: 
Salt, som gir god smak, og gjer at deigen sine bakeeigenskapar vert betre. 
Feitt- margarin eller smør evt. olje som gjer at det ferdige brødet saftig og haldbart. Dessutan tåler ein deig som inneheld feitt, betre bearbeiding, noko som aukar deigen sin elastisitet og evna til å halde på det karbondioksidet som vert danna under gjæringa. Feittet gir og brødet ein finare farge. 
Sukker og /eller sirup, som bidreg til ei rask og jemn heving. Det gir både farge og smak til brød og gir mange brødtypar deira spesielle smak. 
Brødkrydder av forskjellige slag, som karve, anis, kardemomme og andre.