Meininga med dette dokumentet er å bruke det som prosjektoppgåve, men sidan det ikkje finst noko slikt på internett så vidt eg veit, er det vel på tide at nokon legg ut eit undevisningsopplegg om knivmaking . Det har heller ikkje vore laga noko i vårt distrikt til bruk i skulen.Det er ikkje til å unngå at noko av opplegget må bestå i teori, sidan knivmaking er ein aktivitet som krev allsidige kunnskapar av utøvaren.
Eg har hatt tilsvarande opplegg i skulen eit par gongar før. For to år sidan hadde eg faktisk ei valfaggruppe som laga knivar heile året.
Det var kjekt at så mange som 12 elevar valde denne oppgåva no. Mi erfaring er at gjennom arbeidet med knivar vert det utvikla ei haldning til nøyaktig arbeid, samtidig som ein lagar noko som både er nyttig og som betyr noko spesielt for stadig fleire. Det er vel knapt nokon som ville samle på høvlar eller sylar, men det finst mange her i landet som har ein nokså stor samling knivar. Mennene er dominerande i norsk knivmiljø, og difor er det gledeleg at 5 av elevane i knivgruppa er jenter. Kanskje desse viser eit skifte i trenden?