Før du gjer noko med fargen på skaftet, må du vurdere om du i det heile skal bruke farge. Kanskje er både
mønster og fargen til veden slik at du ikkje treng gjere noko ekstra. Du må og tenkje på at impregneringa av
skaftet vil få fram glansen i veden, ein glans som kanskje forsvinn ved beising. Har du bestemt deg, må du tenkje
igjennom fargeval og mengda av farge. Begge deler kan til ei viss grad justerast etterpå, men bør vere klarlagt på
førehand.
Til farging av skaftet brukar du beispulver løyst i vatn (Herdin beis eller liknande). Har du eit skaft av sæleg tett
ved (f.eks. runnen ask), kan du få problem med å få beisen til å trenge inn i veden. Då kan du bruke beis løyst i
sprit, eller du kan bruke lærfarge. Lærfargen har ein tendens til å løyse seg litt i olje, så dette får du prøve deg
fram med. Beisen kan påførast både med pensel og svamp, eller du kan dyppe skaftet i beisen.

                                            Eg brukar to hovudmetodar:

                                            Metode 1
                                            1. Farg skaftet med ein mørk beis, la tørke.
                                            2. Puss forsiktig med fint sandpapir slik at du får fram lyse felt i veden.
                                            3. Beis på nytt med ein lysare farge, gjerne einannan farge enn den mørke.
                                            4. La tørke.

                                            Metode 2
                                            1. Beis skaftet med ein mørk beis og la beisen tørke inn i veden.
                                            2. Medan beisen enno er fuktig skal du skylle skaftet raskt under
                                                rennande vatn.Då vil den beisen som er ytterst i veden bli skylt
                                                bort. La tørke.
                                            3. Beis med ein annan farge som i metode 1.

I tillegg kan du starte med ein svak beis, og beise fleire gonger til du har fått den fargemetninga du vil ha.Nokre knivmakarar brukar sterke signalfargar på skafta (rødt, grønt, gult, osv). Det får vere litt opp til den enkelte å skaffe seg erfaring med fargevalg. Du kjem lengst med å erfare sjølv.