Montering av bladet

Den vidare rekkefølgja av arbeidet kan nok vere litt ulik det andre knivmakarar brukar. Eg likar å montere bladet før eg impregnerer skaftet. Eg veit ikkje om dette har noko føre seg, men det har blitt slik. Grunnen til at eg gjer det er at eg trur at limen vil feste seg betre om det ikkje er olje i tangeholet. Hittil har dette fungert bra.

                                    Eg monterer blad etter følgjande framgangsmåte:

                                    1. Masker med isolasjonstape rundt holet og 2 - 3 cm oppover skaftet.
                                    2. Masker bladet slik at når det står på plass i holet, er stålet dekka 2 - 3 cm
                                        oppover frå skaftet.
                                    3. Klipp ut ein bit av ein melkekartong, ca 10 cm i firkant. Pass på at du får
                                        med eit hjørne til brettekant.
 
                                    4. Bland ut passeleg mengde blå Araldit på kartongbiten og varm limen med
                                        hårfønar. Limen vert då tyntflytande.
 
 
 

Varm opp limen med fønar eller varmepistol
                                       Teikning: Knut Dahl

                                    5. La limen renne ned i tangeholet.
                                    6. Montér bladet og tørk nøye vekk alt limsøl. Vask eventuelt med aceton, som
                                        du kan få i lærforretningar (neglelakkfjerner inneheld aceton, men også fett!)
                                    7. Justér eventuelt retningen sidelengs (den bør stemme frå før) og set vekk
                                        kniven til tørking.


 

Skaftet hovudside  Montering av bladet  Send meg eit brev
Emnet Farging av skaftet  Hovudsida
Tilpassing av skaftet Impregnering av skaftet 
Skaftform Til toppen av sida