Sliremalen
Det er mange måtar å lage sliremal på. Eg har funne
ein som passar for meg, men du finn nok andre som kan vere minst
like bra dersom du les litt i forskjellige knivbøker.
Eg lagar sliremalane mine i papp, og brukar aldri ein mal meir enn
ein gong. Eg startar med å dra ei linje langs midten av pappbiten.
Deretter merker eg av spissen på kniven langs denne linja ca 1,5
cm frå kanten på pappen. Så legg eg
kniven langs linja slik at spissen ligg på merket og merkjer
av kvar overgangen mellom skaft og blad er og kvar kanten
på slira skal vere. Plasseringa av slirekanten på skaftet
har eg funne før ved å måle omkrinsen. Eg plasserer
slirekanten
der skaftet er ca 2-3 mm tynnare enn på det tjukkaste. Går
ein høgare opp, vil kniven sannsynlegvis sitje for hardt i slira.
Neste steg vert å merke av ein del strek som står vinkelrett
på skaftet. Avstanden mellom streka er vel 1 cm. Då er det
tid for å
Sliremalen
Skaftet er tjukkast litt nedanfor midten
Teikning: Torbjørn Håvik
Teikning: Knut Dahl
merke opp skaftforma på pappen. Eg tar ei lærremse, ca 0,5
cm brei og omlag like tjukk som slirelæret. Eg legg remsa på
den streken som viser slirekanten, legg kniven på plass oppå
og finn om- krinsen til skaftet ved å legge remsa rundt, set eit
merke med blyant og måler lengda på omkrinsen med linjal. Deretter
legg eg til 12 mm og merkjer av halvparten av totallengda på
kvar side av midtlinja. Dette tillegget brukar eg fordi eg skjer ut slire-
emnet i vått lær, og dette krympar igjen ved tørking.
Tillegget kan variere litt for kvart innkjøp, men 12 mm er det som
oftast høver best. Eg har no funne breidda av sliremalen i slirekanten.
Deretter gjer eg det same på kvar tverrstrek, slik at eg har fått
breidda på sliremalen med vel 1 cm avstand nedover skaftet. Når
eg kjem til bladet, er tida inne for å rause litt. Først lagar
eg ein innsving på malen i overgangen mellom skaft og blad, deretter
teiknar eg ein strek som føl bladforma, ca 1,5 cm frå eggen
på knivbladet. Innsvingen lagar eg for å unngå "mage"
på slira. Til slutt teiknar eg ferdig linja på skaftdelen av
malen. Eg skjer ut malen med ein skarp kniv, men berre ei side først.
Denne snur eg og brukar til linjal på andre sida. Dermed vert malen
tilstrekkeleg symmetrisk for å få ei
pen slire.No er malen ferdig,og kan overførast til som
er bløyta ei tid i førevegen. Det neste blir då
å skjere ut emnet.
