Skjering av slireemnet
Når læret er ferdig bløyta,
legg du malen på og merkjer langs kanten med blyant. Eg brukar
å legge narvsida opp, medan andre legg narvsida ned. Deretter skjer
eg med ein skarp kniv langs streken og med ein hellingsvinkel på
ca 30 grader. Eg legg vekt på lange snitt slik at kanten vert jamn
og fin.
Når emnet er ferdig utskore, kan du tynne det ut ned mot enden
og runde det i kanten slik teikninga viser. Tynninga er viktig fordi det
i spissen av slira er liten omkrins og derved sterk bøying av læret.
Det er lettare å få til med tynt lær enn med tjukt. Tynninga
kan føregå med lærhøvel eller ein skarp kniv,
og det kan gjerast før eller etter bløyting. Rundinga av
slirekanten vert gjort for å få til ein fin overgang mellom
skaft og slire.
No er tida inne for merking av saumlinja.
Skjering av slireemnet
Tynn ut slireemnet i dei skraverte områda
Teikningar: Knut Dahl
