UT I NATUREN

Teksten nedanfor er henta i frå fagplanen kroppsøving i L-97, og tek for seg målsetting og hovudmoment under overskrifta Ut i Naturen for mellomtrinnet. Denne planen er læraren forplikta til å følge når han skal underviser i faget.

Mål for mellomsteget, 5.–7. klasse

Elevane skal få opplevingar i naturen og lære om samspelet mellom menneske og natur før og no. Dei skal tileigne seg dugleik i å ta vare på seg sjølve i naturen og utvikle omsorg for naturmiljøet.

Hovudmoment for 5.–7. klasse

5. klasse

I opplæringa skal elevane

få erfaring med dagsturar og opphald i ulike miljø med tanke på å lære om kva vêr, klede, matlaging og utstyr har å seie når ein er ute til ulike årstider
tileigne seg kunnskap om og få erfaring i kva dei skal gjere dersom ulykka er ute, til dømes fjellvit,sjøvit, førstehjelp
tileigne seg grunnleggjande kunnskap om og erfaring i bruk av kart og kompass
der det er mogleg, arbeide med ski- og skeiseteknikk
lære å vere merksame på det som er omkring dei når dei er ute i naturen
få høve til å sanse og oppleve naturen ut frå eige initiativ og bli oppmuntra til å vere i naturen i fritida

6. klasse

I opplæringa skal elevane

gjennom turar og opphald i naturen utvikle evna til å oppleve, tolke og forstå teikna i naturen, bl a vêrteikn, maurtuer og elveløp
gjennom opphald i naturen og/eller på andre måtar utvikle kjennskap til samiske kulturtradisjonar
vere med på minst ein overnattingstur, til dømes telt, lavvo, gapahuk, om hausten/våren og få
praktisk erfaring med val av leirplass, bål, og enkel matlaging, førstehjelp, val av klede og anna
turutstyr
gjennom leirskole eller på andre måtar få erfaring med å vere i naturen. I 6. klasse eller om hausten/vinteren i 7. klasse

7. klasse

I opplæringa skal elevane

øve seg i å ta seg fram i nærområdet ved hjelp av kart og kompass
gjennom aktivitetar få opplevingar og bli kjende med lokale tradisjonar knytte til naturen
gjennom opphald i naturen bli kjende med lokale naturbrukstradisjonar som til dømes jakt, fiske og tømmerfløyting

Nærmiljø og natur i L-97 (1-4.klasse)
Friluftsliv i L-97 (8-10.klasse)

Til toppen av sida