Startsida

Akkordoversikt

Generell teori

Treklangar

Firklangar

Lenkjer

Om sida

Pedagogisk refleksjon

Sida visast best med ei oppløysing på 800x600 i nyare versjonar av Explorer

Sist oppdatert:

29.01.2003

E-post:

geggen79@hotmail.com

eikreg@student.hivolda.no

Hei og velkommen til ei lita innføring i det som eg (vil du lese meir om kven eg er, sjå om sida) har kalla bruksklaver*. På denne nettstaden vil du finne enkle tips og triks som eg håpar skal hjelpe deg på vegen til å bli ein "brukspianist," dvs. at du skal kunne spele piano kun etter besifring. Brukar du staden som eit lite kurs skal du også kunne spele dei små praktiske døma som du finn under treklangar og firklangar.

Eg vil understreke at det er vanskeleg å bruke denne sida som den einaste "læraren." Det er alltid lettare å ha ein person som kan vise, forklare og ikkje minst gje ros. Likevel håper eg at denne nettstaden i alle fall kan brukast som ein ressurs mellom møta med denne personen, og at den i beste fall kan vere den einaste læraren for nokon.

Litt om navigasjon: 

• Du finn nesten alle sidene i menyen til venstre

  • Under sida Generell teori har eg laga nokre underlenkjer, desse finn du i ein meny øvst i hovudvindauget. Du finn ikkje desse underlenkjene andre plassar

  • Under sidene Treklangar og Firklangar har eg laga link til to ulike versjonar av Lisa gjekk til skulen. Desse linkane finn du ikkje andre plassar

Kva inneheld nettstaden?

• Sida generell teori tar naturlegvis for seg ein del teoretiske aspekt. Dette er plassen å gå for deg som lurer på kva besifring eigentleg er, kva dei ulike symbola står for, korleis du byggjer opp akkordar og til slutt korleis du gjer teori om til praksis 

• Dei ulike sidene om treklangar og firklangar  tar for seg desse uttrykka litt meir spesifikt og du finn og nokre praktiske døme her

• Akkordoversikta er plassen å gå for deg som lurer på korleis til dømes ein C7sus4 ser og høyrest ut. Du vil finne stort sett alle akkordar her

Kven er nettstaden for?

1. Du som aldri har spelt piano, men som kan litt grunnlegende om musikkteori 

2. Du som spelar klassisk piano, men som aldri har spelt etter besifring

3. Du som har spelt litt piano etter besifring, men som vil lære litt meir

Du som er dyktig til å spele etter besifring, vil altså ikkje få mykje utbytte av denne sida. Er du usikker på kor "god" du er, sjekk ut den mest avanserte versjonen av Lisa!

Kva bør eg kunne frå før?

Du bør kunne orientere deg på eit piano, og du bør kunne litt om skalaer. Samtidig er det også ein fordel å kunne lese notar, men dette er ingen føresetnad.

Korleis brukar du nettstaden?

Er du heilt blank bør begynne med generell teori, for så å gå vidare med treklangar og firklangar. Visst du synast noko blir for lett så er det fullt lovleg å hoppe over eit trinn :)

* Det er ei sanning med modifikasjonar. Bruksklaver er eit fag blant anna på musikk 1.årseining ved Høgskulen i Volda.

Til toppen