Bruksklaversida - pedagogisk refleksjon

Pedagogisk refleksjon

Sida visast best med ei oppløysing på 800x600 i nyare versjonar av Explorer

Sist oppdatert:

29.01.2003

E-post:

eikreg@student.hivolda.no

Det er ikkje lett å lære seg å spele piano ved å sjå på ein dataskjerm. Den personlege kontakta mellom lærar og elev skal aldri undervurderast noko som eg også har gitt uttrykk for på startsida. Likevel meiner eg at nettstaden kan forsvarast på eit reint pedagogisk nivå, utan noko form for lærarkontakt, på grunn av dei rammene eg har satt:

For det første er dette meint som ei første innføring i bruksklaver, og på bakgrunn av dette er det ikkje meint som ei fullstendig innføring. Det har eg også tatt høgde for på startsida
Store delar av teoridelen skal kunne brukast til individuell læring, utan nokon form for "ytre" påverknad
Til slutt håper eg at nokon skal kunne bruke dette som eit uavhengig kurs som fører fram til at dei til slutt kan spele "Lisa gjekk til skulen" i dei versjonane som eg har skissert

Nettstaden sett i eit lærar/elev scenario:

Det er dette eg likevel har hatt i bakhovudet når eg har laga denne staden: at den skal fungere som ein ressurs for både lærar og elev i eit pianoundervisningskurs. Eg håper at

lærarar som aldri har spelt besifring skal lære litt her
lærarar som er usikre i besifring skal finne svar her
lærarar kan lede elevar som er interessert hit
elever skal finne svar på sine spørsmål her
elever skal finne dette interessant og tvinge læraren sin til å også fokusere på besifring i si undervisning*

Som ein ser vil nok ikkje denne staden kunne bli brukt i ein grunnskulesamanheng, i alle fall ikkje for alle. For det første på grunn av dei føresetnadane eg har satt for staden, og for det andre vil det vere vanskeleg å bruke dette som eit klasseromsopplegg. På den andre sida kan det trekkast inn i ein differensiert læringssamanheng, i alle fall kan staden visast fram som ein ressurs for dei som vil lære litt meir piano. På denne måten håper eg staden tilfredsstillar krava til ein "pedagogisk nettstad".

*Besifring har vore eit nedprioritert emne i tradisjonell pianoundervisning, og sjølv om dette har betra seg kan ein framleis finne lærarar som ikkje vil/kan undervise i besifring

Til toppen