Volleyball i skulen/L 97     

Volleyball er ein av verdas største idrettar. I Noreg er volleyball på langt nær ein så stor sport som den er lenger nede i Europa. I Italia har dei til dømes ein proffliga i volleyball! Dessutan vert volleyball brukt mykje som college-idrett rundt om i verda, mest kjend er nok USA.

I den norske skulen har vi berre eit par-tre timar kvar veke til faget kroppsøving. Likevel er det mykje vi skal vere innom iflg. læreplanen. Nederst på sida er det henta nokre utklipp frå denne med tanke på volleyball og kroppsøving. Det er ikkje nemnt at volleyball skal lærast, men det står t.d. at i 8.klasse skal elevane "få kunnskap om- og utvikle prakisk røynsle" i minst to lagidrettar, så kvifor ikkje volleyball?

Eg vil hevde at volleyball trener mykje meir enn sjølve spelet: styrke, spenst, time'ing, kroppskontroll, for å nemne noko, slik at den kan forsvarast på fleire punkt i planen.

På denne sida har eg prøvd å gje ein kort innføring i volleyball på skulenivå, med den bakgrunnkunnskap som ein lærar bør ha. Eg vil ynskje alle lukke til med volleyball i kroppsøvingstimane!

Kroppsøving    -    Felles mål for faget

Opplæringa i faget har som mål:

• at elevane skal få oppleve glede over å vere i rørsle og å meistre eit breitt utval aktivitetar gjennom utforsking, utfalding og skapande verksemd
• at elevane skal få naturopplevingar og praktisk røynsle og utvikle kunnskap om og forståing for den plassen mennesket har i naturen
• at elevane skal få positive røynsler med og kunnskap om ulike former for leik, idrett, dans, friluftsliv og annan fysisk aktivitet som ein del av kulturen og som eit grunnlag for ein fysisk aktiv livsstil
• at elevane skal utvikle kunnskap om menneskekroppen for å forstå og respektere ulike føresetnader, og bli i stand til å ta vare på og fremje si eiga helse. Elevane skal utvikle eit positivt kroppsbilete

Idrett
Elevane skal utvikle etisk medvit, kunnskap om og dugleik i eit breitt utval lagidrettar og individuelle idrettar. Dei skal få kjennskap ttar, tekniske og taktiske moment i ulike idrettar. Elevane skal bli kjende med lokale, nasjonale og internasjonale idrettstradisjonar.

8.klasse    -    Idrett
I opplæringa skal elevane

• få praktisk røynsle med og utvikle kunnskap om minst to lagidrettar og to individuelle idrettar, som motivasjon for vidare arbeid
• arbeide for å utvikle funksjonelle rørslebaner i dei individuelle idrettane og lagidrettane som klassen sjølv har valt
• bli kjende med det lokale idrettstilbodet

(Teksten ovanfor i kursiv er henta frå L97)