Reglar i volleyball

Reglane i volleyball er altfor kompliserte til at ein kan bruke alle i grunnskulesamanheng. Det er likevel greitt å kunne dei fleste. Du finn dei på NVBF sine sider her

I skulesamanheng bør vi justere litt på reglane alt etter kva trinn og på kva nivå elevane er. Derfor er det vanskeleg å setje opp eksakte "skulereglar", men eg vil prøve å få fram nokre punkt som bør vektleggjast når ein utformar reglane.

1. La elevane sjølve vere med på å bestemme reglane.
2. Ver sikker på at elevane veit kva reglar som gjeld.
3. Bruk så få reglar som mogleg.
4. Tillat "førball" og "dobbelslag" i stor utstrekning.
5. Ta hensyn til dei svakaste i gruppa og ikkje legg opp for vanskelege reglar.
6. Regelen om nettberøring bør brukast!
7. Overtrampregelen på midtlinja bør brukast for å unngå overtrakk.
8. Dersom det er liten gymsal(lågt tak) - vurder om det bør tillatast at ballen berører taket.

Ha som ein hovudregel at reglane må vere slik at volleyball vert artig å spele. Mange og "tunge" reglar vil berre vere til irritasjon og fortvilelse for lærar og elev.

Lukke til !